WERSJA PREMIUM:


Localisation:


Menu:




Tabele stron

Teksty LG
Teksty Monastycznej LG
Teksty Liturgia Horarum



 

Internetowa Liturgia Godzin
Wesprzyj rozwój serwisu

 
Die 14 septembris A.D. 2018
IN EXALTATIONE SANCTÆ CRUCIS
Festum

Invitatorium


V: Dómine, lábia mea apéries.
R: Et os meum annuntiábit laudem tuam.

Psalmus 94
Invitatio ad laudem Dei
Adhortamini vosmetipsos per singulos dies, donec "hodie" cognominatur (Hebr 3, 13)

Ant. Christum regem pro nobis in cruce exaltátum, veníte, adorémus.

Veníte, exsultémus Dómino; *
iubilémus Deo salutári nostro.
Præoccupémus fáciem eius in confessióne, *
et in psalmis iubilémus ei.

Ant. Christum regem pro nobis in cruce exaltátum, veníte, adorémus.

Quóniam Deus magnus Dóminus, *
et rex magnus super omnes deos.
Quia in manu eius sunt profúnda terræ, *
et altitúdines móntium ipsíus sunt.
Quóniam ipsíus est mare, et ipse fecit illud, *
et siccam manus eius formavérunt.

Ant. Christum regem pro nobis in cruce exaltátum, veníte, adorémus.

Veníte, adorémus et procidámus, *
et génua flectámus ante Dóminum qui fecit nos,
quia ipse est Deus noster, *
et nos pópulus páscuæ eius et oves manus eius.

Ant. Christum regem pro nobis in cruce exaltátum, veníte, adorémus.

Utinam hódie vocem eius audiátis: *
"Nolíte obduráre corda vestra,
sicut in Meríba secúndum diem Massa in desérto, ubi tentavérunt me patres vestri: *
probavérunt me, etsi vidérunt ópera mea.

Ant. Christum regem pro nobis in cruce exaltátum, veníte, adorémus.

Quadragínta annis tæduit me generatiónis illíus, *
et dixi: Pópulus errántium corde sunt isti.
Et ipsi non cognovérunt vias meas; ídeo iurávi in ira mea: *
Non introíbunt in réquiem meam".

Ant. Christum regem pro nobis in cruce exaltátum, veníte, adorémus.

Glória Patri, et Fílio, *
et Spirítui Sancto.
Sicut erat in princípio, et nunc et semper, *
et in sæcula sæculórum. Amen.

Ant. Christum regem pro nobis in cruce exaltátum, veníte, adorémus.

Psalmus cum sua antiphona, pro opportunitate, omitti potest quando Invitatorium Laudibus matutinis præponendum est.



 Based on LITURGIA HORARUM IUXTA RITUM ROMANUM (editio typica)